Hvað er vörumerkjavitund?

Hversu margir og hversu vel neytendur eru meðvitaðir um þitt fyrirtæki, þjónustu eða vöru og skiptir gífurlega miklu máli því ef ég veit ekki af þér þá versla ég ekki við þig, þar liggur mikilvægi vörumerkjavitundar.
Nú spyr ég, vilt þú að allir viti af þínu fyrirtæki, þjónustu og vöru? Auðvitað, en af hverju? Þó allir viti af þér versla ekki allir við þig, þar liggur ástæðan fyrir því að markaðssetja til allra (einnig utan markhóps) er óhagkvæmur og óhagnýtur.
Hér að neðan er brotið niður af hverju, ef þú vilt getur þú sleppt því og farið neðar til að lesa um
hvernig þú getur bætt vörumerkjavitund.

 

  1. Óhagkvæmni
    Þetta er auðséð þar sem að ná til allra er augljóslega dýrara en að ná eingöngu til þeirra sem þú vilt ná til. Þess vegna hafa fyrirtæki í gegn um tíðina reynt að einblína markaðsfjármunum á þá staði sem markhópurinn er, s.s. miðla eins og útvarp og fréttablöð, og enn meiri hnitmiðun fyrir staðsetningu innan dagskrá/stöð útvarps og hvar í blaðinu auglýst er.
  2. Óhagnýti
    Sannleikurinn er sá að þó allir vissu af fyrirtækinu, þjónustu eða vöru þess versla þeir ekki við okkur, en tökum dæmi þar sem allir sem vissu af fyrirtækinu eru ekki innan markhóps en vinir þeirra eru í markhópnum sem þú vilt ná til, myndi orð af munni ekki verða til þess að þinn markhópur heyrir af þér í gegn um vini sína? Svarið er af öllum líkindum nei og ástæðan er að við mælum ekki með einhverju sem við þekkjum ekki. 

Ímyndaðu þér að fyrirtæki sem heitir Tellifónar opnar í grennd við þig og selur síma, þegar vinur þinn spyr hvernig síma hann á að fá sér eða hvar hann ætti að kaupa sér síma munt þú ekki líklegast nefna Tellifónar.

Nú þetta dæmi er líka örlátt þar sem við eigum flest öll síma og föllum því inn í markhóp fyrirtækisins svo mögulega myndum við nefna þetta fyrirtæki við vin en ef við breytum fyrirtækinu í málningar, garðyrkju eða ræstingar sérverslun (hvað sem þú veist minnst um) þá breytist dæmið. Nú veit t.d. ég lítið sem ekkert um pípulagningu svo í fyrsta lagi er ólíklegt að ég fái spurningu frá vin um hvar hann getur fengið spliff, donk eða gengju, í öðru lagi hefði ég aldrei farið í þessa búð svo ég myndi ekkert vita um þeirra úrval.

 

 

Hvernig þú getur bætt vörumerkjavitund

Upplýstu

Hverjar eru helstu spurningar sem kúnnarnir þínir spyrja? Hver eru helstu vandamál þinna kúnna?
Með því að vera uppspretta upplýsinga og lausna fyrir þína kúnna sýnir þú sérþekkingu á þínu sviði sem bætir vörumerkjavitund, orð af munni og vörumerkjaminni.

Í hvert skipti sem kúnni spyr spurninga er það tækifæri á að upplýsa og það eru fleiri innan þíns markhóps sem eru að velta þessu fyrir sér, notaðu tækifærið og upplýstu þinn markhóp á helstu miðlum fyrirtækisins.

 

Skemmtu þeim

Athygli í dag er verðmæt og fólk vill láta skemmta sér til þess að halda athygli þess, við þekkjum öll að minnsta kosti eina auglýsingu sem lét okkur hlæja eða var skemmtileg á einhvern hátt, við áttuðum okkur jafnvel ekki á því að þetta var auglýsing fyrr en í lokin. Hvort sem það sé vídeó, internet borðar, auglýsing í blaðið eða annað þá mun skemmtilegt efni vera öflugt til að drífa upp vörumerkjavitund.

 

Þjónustulund

Þetta vita allir að sjálfsögðu en það eru ekki allir að gera allt sem þeir geta til þess að bæta þjónustu fyrirtækisins. Á upplýsingaöldinni sem við lifum í eru upplýsingar um hvað neytandinn sækist eftir í þjónustu út um allt. Þú þarf að hafa opið fyrir allt streymi gagnrýnis svo hægt sé að byggja og bæta þjónustu fyrirtækisins, skrá það niður og taka marktæk skref í átt að betri þjónustu. Opnaðu fyrir Facebook umsagnir, skráðu öll gagnrýni sem koma í gegn um email og upplýstu liðið þitt um það sem þarf að bæta, þú getur jafnvel farið á síðu samkeppnisaðilans og séð hvaða gagnrýni þeir hafa fengið og bætt þína þjónustu til þess að vera skrefinu á undan.

 

Samstarf

Frábær leið til þess að auka vörumerkjavitund er að vera í samstarfi við annað fyrirtæki sem auglýsir fyrir þig á einn eða annann hátt og þú gerir hitt hið sama. Ég tek oft þetta dæmi á fundum: ef ég ætti líkamsræktarstöð geri ég mér grein fyrir því að markhópur minn er virkilega meðvitaður um hollt mataræði og lífstíl, það fyrsta sem ég myndi gera er að mynda tengsl við matsölustað sem einblínir á hollt mataræði t.d. kjúklingastað þar sem við erum ekki í samkeppni en deilum góðum hluta af sama markhóp. Við fengum sérfræðing til að hanna skýringarmynd í formi svokallað “venn diagram” sem lýsir hagkvæmni beggja aðila í samstarfi, þar sem þinn markhópur er í bláu, markhópur samstarfsaðila í rauðu og sameiginlegur markhópur í fallegum appelsínugulum lit.

Vörumerkjavitund

 

 Hvaða fyrirtæki eða áhrifavalda getur þú myndað tengsl við til að auka vörumerkjavitund?

 

Á bak við tjöldin

Eitt af því skemmtilega við auglýsingar sérstaklega á samskiptamiðlum er tækifærið til þess að sýna þá starfsemi fyrirtækisins sem neytendur sjá ekki. Mörg fyrirtæki erlendis hafa byggt alla sína samskiptamiðla viðveru í kring um starfsemi þess á bak við tjöldin, þessi vörumörkun persónugerir fyrirtækið og styrkir vörumerkjavitund gífurlega.

 

Vörumerkjavitund er gífurlega mikilvæg og hefur áhrif á marga þætti beint og óbeint, s.s. vörumerkjaþekkingu og ekki síst vörumerkjavirði.